Policia e Tiranës ka arrestuar një 34-vjeçar, si të dyshuar për një pengmarrje për motive të dobëta në kryeqytet. Ngjarja është regjistruar në zonën e mbuluar nga Komisariati i Policisë Nr. 3. Në pranga u vu Luel Rabija (Pjetri).
Siç shihet dhe nga pamjet e publikuara nga blutë e Tiranës, 34-vjeçari shihet teksa merr me forcë në automjet 40-vjeçarin.
Nga hetimet paraprake dyshohet se 34-vjeçari pas marrjes me forcë të personit e ka dhunuar atë me grushte në ambientet e makinës.
“Sapo është marrë njoftimi për rastin, shërbimet e Policisë kanë ndërhyrë menjëherë dhe kanë organizuar veprimet për identifikimin e autorit dhe dokumentimin e rrethanave të ngjarjes. Si rezultat, u bë e mundur kapja dhe arrestimi i shtetasit L. R. (P.), 34 vjeç, banues në Tiranë”, njofton policia.
Automjeti i përdorur në ngjarje është sekuestruar në cilësinë e provës materiale, ndërsa materialet procedurale i janë referuar Prokurorisë së Tiranës për vijimin e hetimeve.
Discussion about this post