Një ngjarje e rëndë ka tronditur opinionin publik në qytetin bregdetar, pas një kallëzimi penal të bërë ndaj një mjekeje në Spitalin Rajonal të Vlorës, për neglizhencë në trajtimin mjekësor që dyshohet se ka çuar në humbjen e një foshnjeje ende të palindur.
Specialistët për Hetimin e Krimeve në Komisariatin e Policisë Vlorë kanë referuar materialet në Prokurori dhe kanë nisur procedim penal ndaj shtetases Marjeta Boraj, 66 vjeçe, e cila ushtron detyrën si mjeke gjinekologe në Spitalin Rajonal Vlorë.
Sipas Policisë, më datë 28 qershor 2025, shtetasi L. H. ka bërë një kallëzim ndaj mjekes, me pretendimin se bashkëshortja e tij ka humbur foshnjën për shkak të neglizhencës në kujdesin mjekësor gjatë procesit të trajtimit pranë këtij institucioni shëndetësor.
Babai i fëmijës ka denoncuar se si pasojë e neglizhencës në trajtimin mjekësor nga kjo mjeke, ka ndërruar jetë foshnja në barkun e bashkëshortes së tij.
Aktualisht, çështja është në duart e Prokurorisë, e cila pritet të hetojë në detaje rrethanat e ngjarjes dhe përgjegjësinë penale të mjekes që shikoni në foto.
Materialet procedurale janë referuar për veprime të mëtejshme hetimore.
Ndërkohë, Spitali Rajonal i Vlorës ende nuk ka dalë me një deklaratë zyrtare lidhur me rastin, ndërsa opinioni publik dhe familjarët kërkojnë drejtësi dhe transparencë për humbjen e jetës së foshnjës së palindur.
gijotina.com/
Discussion about this post