Ish-deputetja Monika Kryemadhi, në një deklaratë për mediat, pas daljes nga SPAK ka deklaruar se asaj nuk i intereson më se çfarë mendon dhe thotë ish-bashkëshorti i saj, Ilir Meta. Kryemadhi është shprehur se Presidenti i PL-së informohet vetëm nga një njeri, lidhur me ngjarjet jashtë burgut.
“Informohet vetëm për gjërat që i intereson grupit që rri afër tij”, theksoi ajo, duke shtuar se “nuk më intereson më fare as se çfarë thotë Meta dhe as se çfarë bën e mendon”.
Përsa i përket përdorimit të kartave bankare të kushëririt të saj, biznesmenit Adrian Sharku, Kryemadhi u shpreh se i ka kërkuar bankës në SHBA të dhëna lidhur me shpenzimet e saj gjatë udhëtimeve në Amerikë.
“Kam qenë në Beverly Hills, Santa Monica, Las Vegas, edhe në Los Angeles me kushëririn tim Adrian Shatkun, 3 fëmijët e mi, kushërirën time Bebe Rexha, në 10 vjetorin e vajzës sime, kanë qenë edhe disa mikesha të mia me fëmijët e tyre, nuk kam qenë vetëm unë.
Pretendimeve të Prokurorisë unë i jam drejtuar bankës në SHBA për të më dhënë kush janë shpenzimet që kam bërë, duke koordinuar edhe shpenzimet e Adrian Shatkut”, deklaroi ajo.
Monika Kryemadhi: Më vjen shumë keq që babai i fëmijëve të mi vazhdon dhe ripërsërit deklaratat e Altin Dumanit dhe Arben Krajës, gjë që ka të bëjë me çështje dhe këndvështrime të ndryshme të asaj që lexojmë në një dosje.
Po kam qenë në Beverly Hills, Los Angeles dhe Las Vegas, në New York, Boston, edhe kudo, më Michigan, Kinë, Indi, gjithandej kam qenë. E para sa i përket kartës bankare për të cilën Ilir Meta flet me fjalët e Altin Dumanit, dua t’ju them që një kartë krediti në një bankë amerikane duhet që së pari të kesh një numër llogarie bankare, nuk mund të marrësh kartë krediti pa llogari bankare.
Nëse karta është e Monika Kryemadhit, duhet të ketë kërkesë nga që unë i drejtohem bankës amerikane, nëse karta tërhiqet duhet të ketë përsëri marrjen e kartës në dorëzim me firmën e Monika Kryemadhit.
Kam qenë në Beverly Hills, Santa Monica, Las Vegas, edhe në Los Angeles me kushëririn tim Adrian Shatkun, 3 fëmijët e mi, kushërirën time Bebe Rexha, në 10 vjetorin e vajzës sime, kanë qenë edhe disa mikesha të mia me fëmijët e tyre, nuk kam qenë vetëm unë.
Pretendimeve të Prokurorisë unë i jam drejtuar bankës në SHBA për të më dhënë kush janë shpenzimet që kam bërë, duke koordinuar edhe shpenzimet e Adrian Shatkut.
Thuhet për 240 mijë dollarë veshje?
Monika Kryemadhi: Jo nuk janë 240 mijë dollarë, këtë e thotë zëdhënësi i PL Tedi Blushi, i cili merr direktiva nga SPAK.
240 mijë dollarë është karta Shatkut me hotele, bileta avioni, me dreka, me darke, me akullore.
Secili ka shpenzimet e veta, dhe do i kërkoj bankës se cilat janë biletat e mia, hotelet e mia. Shatku nuk ka të bëjë fare me buxhetin e shtetit, as me tendera, është një kompani amerikane që ka punuar dhe punon edhe në 56 vende të tjera të botës.
Meta është i izoluar, sigurisht që i vetmi individ që e informon është vetëm një person që komunikon me të. Meta informohet vetëm për gjërat që i intereson grupit që rri afër tij, nuk më intereson më fare as se çfarë thotë Meta dhe as se çfarë bën e mendon, Jam e qetë në ndërgjegjen time për gjërat që kam bërë dhe do të bëj, s’kam asnjë lloj problemi e kompleksi. Nëse kam bërë diçka që për ju është gabim, për mua s’është.
I kam kërkuar bankës shpenzimet që rakordojnë me TIMS dhe me gjërat e mia.
Discussion about this post