Kreu demokrat Lulzim Basha nuk i ka ndalur akuzat ndaj ish-kryeministri Sali Berisha duke thënë se po tenton të shkatërrojë PD vetëm për interesat personale.
Për kryedemokratin, qëllimi i Sali Berishës ka qenë dhe është vetëm dhuna, ndërsa theksoi se atij i intereson të bunkerizojë dhe thyejë në mes Partinë Demokratike, në mënyrë që të mbrojë veten nga “non grata”.
Ndër të tjera ai tha Berisha po bashkëpunon me kryeministrin Edi Rama, por ai nuk do të vijë më kurrë në pushtet, pasi shqiptarët janë popull pro-amerikan.
“Nuk jam këtu për të komentuar Berishën, roli i tij për 8 janarin është i qartë. Ajo që e lidh Berishën me Ramën është mbajtja e status quos. Berisha nuk mund të vijë më kurrë në pushtet. Shqiptarët, demokratët, janë një popull pro-amerikan. Këtë Sali Berisha e di fare mirë. Ky është interesi i Berishës, bunkerizimi i PD. Shumica absolute e shqiptarëve kanë pesë pare mend në kokë dhe e kuptojnë kur një njeri bëhet gati të shkatërrojë një parti. Berishën e lidh interesi për të bunkerizuar, thyer në mes, me çdo kusht, PD, ndërsa Ramës i intereson që PD të mos jetë e fortë, për të vijuar me skandalet. Nuk ka shpëtim më të mirë se sa Sali Berisha për Ramën. Ka kriminelë që kanë punuar me Ramën, dhe që sot me ta furnizohet edhe Sali Berisha”, tha Basha.
Më herët ai u shpreh se Berisha më 8 janar, donte vëllavrasje mes demokratëve, por që fatmirësisht nuk ia doli.
Discussion about this post