Jamarbër Malltezi tha se pas rezultatit të 11 majit i kishte kërkuar kryetarit të PD-së dhe njëkohësisht vjehrrit të tij, Sali Berishes të jepte dorëheqjen.
Malltezi u shpreh në një intervistë për Top News se edhe Berisha fillimisht kishte ndërmend të jepte dorëheqjen nga drejtimi i PD, por sipas tij, kur pa se çfarë ndodhi me zgjedhjet, nuk hoqi dorë.
Ai deklaroi se brenda PD ka zëra që kërkojnë lidership të ri, dhe sipas tij kjo është pozitive dhe tregon se kjo parti është demokratike dhe çdokush thotë atë që mendon. Sipas tij, e kundërta ndodh me Partinë Socialiste.
PD u gjuajt që të vritej, jo të dobësohej, i morën peng logon, vulën e financat. E sulmuan dhe i burgosën liderët. Ka kaluar në procese vrastare. PD pas gjithë këtyre proceseve ka një lidership që do ketë nevojë të bëjë analizë dhe të gjitha me radhë. PD do futet në proces analize dhe rizgjedhjeje.
Fill pas zgjedhjeve i kam thënë vetë Berishës që nuk ja vlen më se është lodhje, ai vetë po e shihte… shqiptarët nuk e duan këtë dhe duhet të japi dorëheqjen. Por kur dolën faktet dhe dokumentet e vjedhjeve, rastet e tmerrshme nga krimet zgjedhore… Berisha e ka dhënë dorëheqjen në 2013 kur kuptoi që shqiptarët nuk e pranuan, ishte krejt normale. Berisha do priste numërimin dhe mund ta bënte, por dolën faktet që tregoi kriminalizimin e votës së diasporës.
Ne kemi treguar që jemi kundër partisë shtet. Në 10 vite sa ishte Basha, thjesht e kemi ndihmuar PD pa asnjë interes. Berisha e mori sepse PD ishte marrë peng dhe ishte kthyer monedhë këmbimi. Berishës ia mbushën stadiumin, na bëri të uleshim bashkë. Unë nuk kam ambicie politike por për çfarëdo lloj pozicioni jam i gatshëm. Jam kundër Partisë Komuniste dhe do jem kundër Ramës gjithmonë”, tha Malltezi.
Discussion about this post