Gjykata e Posaçme për Korrupsionin dhe Krimin e Organizuar ka rrëzuar kërkesat për lirimin nga burgu të tre të arrestuarve të akuzuar për trafik ndërkombëtar droge nëpërmjet lëkurëve të kafshëve nga Amerika Latine.
Gjykata la në fuqi masën e sigurisë “arrest me burg” për shtetasit Baki Huqi, Aldi Zonja dhe Ismajl Abdurrahmani, duke pranuar kundërshtimet e paraqitura nga SPAK.
Të tre kishin paraqitur kërkesa që prej muajit prill 2025, duke kërkuar rishikim të masës së sigurisë përmes vlerësimit të kushteve. Por GJKKO i bashkoi kërkesat dhe me një vendim të unifikuar i refuzoi ato, duke lënë në fuqi masat e vendosura më 18 nëntor 2024.
Sipas hetimeve, grupi kriminal i përbërë nga 10 persona, shtatë shqiptarë dhe tre të huaj (dy venezuelianë dhe një kolumbian), dyshohet se ka trafikuar kokainë të përpunuar në lëkurë gjedhesh të importuara nga Amerika Latine. Ata dispononin një laborator të përpunimit të drogës në Qerekë të Krujës dhe dy ambiente të tjera në Tiranë dhe Durrës.
Kompania që përdorej për kamuflim të aktivitetit të paligjshëm, me emrin “Alb Lëkurë”, ishte regjistruar në vitin 2020. Në maj 2024, kjo kompani kreu një pagesë prej 23 mijë dollarësh për një firmë në Republikën Domenikane, për blerjen e 24 tonëve lëkurë të kripura gjedhesh.
Ndërkohë, Apeli i GJKKO kishte lënë më herët në fuqi masën “arrest me burg” për të gjithë anëtarët e grupit, pas operacionit të zhvilluar në nëntor 2024.
Vendimi i Gjykatës së Posaçme:
“Kërkuesi Baki Huqi me datë 08.04.2025, kërkuesi Ismajl Abdurrahmani me datë 15.04.2025 dhe kërkuesi Aldi Zonja me datë 11.04.2025, kanë paraqitur pranë Gjykatës kërkesat me objekt:
“Vlerësimi i kushteve të masës së sigurimit “arrest në burg” të caktuar me vendimin nr.140, datë 18.11.2024 të Gjykatës së Posaçme të Shkallës së Parë për Korrupsionin dhe Krimin e Organizuar; Depozitimi i informacionit nga ana e Prokurorisë së Posaçme lidhur me kryerjen e veprimeve hetimore”.
Në seancën gjyqësore të datës 17.04.2025 kërkesat e mësipërme janë bashkuar në një të vetme.
2. Në përfundim të gjykimit, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtarja Irena Gjoka, bazuar në nenet 112, 228, 229, 230, 238, 246 pika 6, 249 dhe 260 të K.Pr.Penale, me vendimin nr. 215, datë 10.07.2025, vendosi:
1. Vazhdimin e zbatimit të masës së sigurimit personal me karakter shtrëngues “arrest në burg” e parashikuar nga neni 238 i K.Pr.Penale, caktuar me vendimin Nr.140, datë 18.11.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj shtetasit nën hetim Baki HUQI, i biri i A. dhe i M., i datëlindjes ****, lindur në **** dhe banues në ****, me shtetësi ****, me gjendje civile ****, me gjendje gjyqësore ****, i dyshuar për kryerjen e veprave penale “Trafikimi i narkotikëve” kryer në formën e veçantë të bashkëpunimit, atë të grupit të strukturuar kriminal, të parashikuar nga nenet 283/a/l dhe 28/4 të Kodit Penal; “Grupi i strukturuar kriminal” parashikuar nga neni 333/a dhe “Kryerja e veprave penale nga organizata kriminale dhe grupi i strukturuar kriminal” të parashikuar nga neni 334 i Kodit Penal.
2. Vazhdimin e zbatimit të masës së sigurimit personal me karakter shtrëngues “arrest në burg” e parashikuar nga neni 238 i K.Pr.Penale, caktuar me vendimin Nr.140, datë 18.11.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj shtetasit nën hetim Ismajl ABDURRAHMANI, i biri K. dhe i F., i datëlindjes ****, lindur në ****, banues në ****, me gjendje gjyqësore ****, me gjendje familjare ****, me ****, me kombësi ****, i dyshuar për kryerjen e veprave penale “Trafikimi i narkotikëve” kryer në formën e veçantë të bashkëpunimit, atë të grupit të strukturuar kriminal, të parashikuar nga nenet 283/a/l dhe 28/4 të Kodit Penal; “Grupi i strukturuar kriminal” parashikuar nga neni 333/a dhe “Kryerja e veprave penale nga Rruga “Jordan Misja” Nr.1, 1057 Tiranë; tel/fax 0035542231527; gjykata.gov.al organizata kriminale dhe grupi i strukturuar kriminal” të parashikuar nga neni 334 i Kodit Penal.
3. Vazhdimin e zbatimit të masës së sigurimit personal me karakter shtrëngues “arrest në burg” e parashikuar nga neni 238 i K.Pr.Penale, caktuar me vendimin Nr.140, datë 18.11.2024 të Gjykatës së Posaçme të Shkallës së Parë për Korrupsionin dhe Krimin e Organizuar, ndaj shtetasit nën hetim Aldi ZONJA, i biri i A. dhe i A., i datëlindjes ****, lindur në **** dhe banues në adresën: ****, me shtetësi ****, me arsim ****, me gjendje civile ****, me gjendje gjyqësore ****, i dyshuar për kryerjen e veprave penale “Trafikimi i narkotikëve” kryer në formën e veçantë të bashkëpunimit, atë të grupit të strukturuar kriminal, të parashikuar nga nenet 283/a/l dhe 28/4 të Kodit Penal; “Grupi i strukturuar kriminal” parashikuar nga neni 333/a dhe “Kryerja e veprave penale nga organizata kriminale dhe grupi i strukturuar kriminal” të parashikuar nga neni 334 i Kodit Penal.
4. Kundër këtij vendimi lejohet e drejta e ankimit nga palët, brenda pesë ditëve, në Gjykatën e Posaçme të Apelit për Korrupsionin dhe Krimin e Organizuar, duke filluar ky afat nga dita e nesërme e komunikimit të vendimit të arsyetuar”.
Discussion about this post