Partia Demokratike vijon të publikojë pamje nga protesta e 8 janarit, thirrur nga ish-kryeministri Sali Berisha, ku mbështetësit e këtij të fundit tentuan të futeshin në ambientet e brendshme të selisë blu.
Përmes një postimi në ‘Facebook’, Partia Demokratike shprehet se Berisha u braktis nga demokratët, pasi ata që e ndoqën ishin të paktë, gjë e cila bëri që ish-kryedemokrati ta humbiste.
“Sali Berisha e humbi kur pa se ishte i rrethuar nga një grup i vogël njerëzish, pasi shumica dërrmuese e demokratëve e braktisën”, thuhet në postim.
Teksa në pamjet e publikuara shfaqet një protestues i cili tenton te ngjitet në katin e dytë të godinës, ku PD pretendon se po mban në dorë një thikë, opozita shprehet se Berisha është i gatshëm të bëjë çdo gjë për interesat e tij personal.
“Me dhunën e 8 janarit ai dëshmoi që është gati të bëjë gjithçka, qoftë dhe viktima, vetëm për hallin e tij. Dhe për këtë ai ka angazhuar një bandë prej disa dhjetra kriminelësh. 8 janari ishte një ditë shumë e hidhur për demokratët”.
Ndërkohë janë 34 persona të proceduar, mes tyre dhe Gazmend Bardhi sëbashku me Flamur Nokën, lidhur me protestën e 8 janarit. Gjithshtu kryedemokrati Basha dhe paarardhësi i tij Berisha janë thirrur nga Prokuroria për të dëshmuar.
Discussion about this post