Padia ndaj gazetarit dhe “Piranjave”, Veliaj nuk paraqitet në gjyq

Kryebashkiaku i Tiranës, Erion Veliaj nuk paraqitur ditën e sotme në seancën gjyqsore përballë gazetarit Bledian Koka dhe producentit të emisionit investigativ “Piranja”.

Veliaj ka munguar në seancë me justifikimin mjekësor se ka “marrje mendsh”.

Përshkak të mungesës së Veliajt seanca e pajtimit u shty për shkak të mungesës së paditësit Erion Veliaj dhe avokatit të tij Ermal Yzeiri!

Seanca gjyqësore e ngritur pas padisë së Veliaj ndaj gazetarit Bledian Koka dhe producentit Vojo Bregu zgjat prej dy vitesh dhe nisi pas investigimit të emisionit “Piranja”.

Pse e paditi gazetarin?

Më 3 Prill, kryetari i Bashkisë së Tiranës, Erion Veliaj kallëzoi penalisht gazetarin Bledian Koka dhe “SyriTv”, e gjitha pas publikimit të aferës së inceneratorit të Tiranës.

Fillimisht, lajmin e bëri të ditur vetë Koka, i cili tha se padia është dorëzuar, pasi emisioni “Piranjat” i drejtoi disa pyetje, për të dhënë edhe ai versionin e tij lidhur me takimin që pretendohet se ka pasur me biznesmenin italian Gabrielle Tarroni Longhinotti.

Por Veliaj nuk pranoi të jepte intervistë dhe depozitoi padi për shpifje.