Në mbledhjen e parë për vitin 2022, qeveria ka nënshkruar një marrëveshje me kompaninë ndërkombëtare Jones International, që ka si objekt forcimin e sigurisë kibernetike. Marrëveshja është firmosur me Vendim të Këshillit të Ministrave, ndërsa mban firmën e zëvendëskryeministrit Arben Ahmetaj. Ky vendim i qeverisë vjen pas skandaleve të njëpasnjëshme me të dhënat e qytetarëve, ku rrogat dhe targat e tyre u bvënë publike, duke u aksesuar nga kushdo. Qytetarët shprehën pakënaqësinë lidhur me këtë rrjedhje informacioni, pasi të dhënat e tyre mund të përdoren për qëllime të këqija, që do t’i dëmtonin ata.
Vendimi:
Në mbështetje të nenit 100 të Kushtetutës dhe të ligjit nr.2/2017, “Për sigurinë kibernetike”, me propozimin e ministrit të Infrastrukturës dhe Energjisë, Këshilli i Ministrave. V E N D O S I: Miratimin e memorandumit të mirëkuptimit, ndërmjet Këshillit të Ministrave të Republikës së Shqipërisë dhe Grupit Jones International, për forcimin e sigurisë kibernetike të infrastrukturës kritike për Shqipërinë, sipas tekstit që i bashkëlidhet këtij vendimi. Ky vendim hyn në fuqi menjëherë dhe botohet në “Fletoren zyrtare”.
Discussion about this post