Petrit Çakrri alias Hoxha dhe Fatjon Bushgjokaj janë lënë në masën e sigurisë “arrest me burg” me vendim të Gjykatës së Dibrës, të akuzuar për vrasjen makabre të 23-vjeçarit Renis Dobra.Avokati i Petrit Çakrrit, Halil Zhuka, ka folur për BalkanWeb, teksa ka zbuluar detaje nga seanca gjyqësore e zhvilluar ditën e sotme me dyer të mbyllura.
Zhuka tregon se prokuroria nuk ka paraqitur prova konkrete për të dëshmuar përfshirjen e klientit të tij në këtë ngjarje, ndërsa thekson se Petrit Çakrri dyshohet si bashkëpunëtor dhe jo si autor i ngjarjes.
Ndër të tjera, avokati i Çakrrit tregon se klienti i tij nuk e njeh viktimën dhe se ka njohje vetëm me njërin nga vëllezërit Bushgjokaj.
“Kërkuam paligjshmëri të ndalimit dhe masa më të buta të sigurimit personal, pasi prokuroria nuk kishte asnjë provë të drejtpërdrejtë për implikimin në ngjarje, por vetëm indicie dhe lëvizje automjetesh që pretendojnë se zbardh ngjarjen.
I mbrojturi prej meje nuk është i përfshirë, edhe nga ana e prokurorisë është pranuar se nuk ka pasur asnjë lidhje me Dobrën, por se mund të jetë bashkëpunëtor.
Ai ka deklaruar se nuk e njeh viktimën dhe nuk ka pasur asnjë kontakt me të. Ka shoqëruar një mikun e tij në Burrel, ka lëvizur natën e ngjarjes për në Tiranë dhe kaq. Akuza nuk ka asnjë prove direkte, ka vetëm incie për lëvizjen e automjeteve.
Me njërin prej vëllezërve Bushgjoka, Kristi ishte në burg. Vëllezërit e tjerë nuk i njeh”, tha ai.
Discussion about this post