Aktivistja, Evi Kokalari, ka vendosur të distancohet nga Sali Berisha. Ajo e ka shoqëruar ish-kryeministrin Sali Berisha thuajse në të gjitha “Foltoret” e mbajtura ka vendosur që të largohet dhe të mos merret më me PD. Lajmin e ka bërë të ditur vetë ajo në një postim në llogarinë e saj në Facebook, ku shkruan se ka vendosur që të distancohet nga politika në Shqipëri.
“Kam vendosur të distancohem pak nga politika në Shqipëri. Megjithëse me mëndje dhe zemër jam aty ku vazhdon lufta për një opozitë të fortë, dua ti kthehem jetës time në Amerikë që kam që në Shtator që e kam lënë komplet mbas dore. Do vazhdoj të jem në komunikim të vazhdueshëm me anëtarët e Komisionit të Rithemelimit, gjithsesi jo më aq aktive sa më parë”, shkruan ajo.
Kokalari ka qenë një nga mbështetëset më të mëdha të Sali Berishës dhe kritikja më e madhe e Bashës, por me sa duket ajo nuk mundet të vazhdojë më këtë rrugëtim.
Discussion about this post