Kryedemokrati Lulzim Basha ka vendosur të mbledhë Grupin Parlamentar të PD-së mesditën e sotme pas vendimeve të marra në mbledhjen e Kryesisë që kulmuan me përjashtim përfundimtar nga PD të 8 demokratëve, përfshirë Sali Berishën.
Pritet që Basha të informojë deputetët në lidhje me shkaqet që çuan në vendimin e mëngjesit të sotëm të kryesisë së PD-së, ndërsa nesër pritet ratifikimi i këtyre vendimeve nga Këshilli Kombëtar.
Në qëndrimin zyrtar të bërë publik mëngjesin e së martës, PD sqaron se vendimet u morën pasi kanë kaluar 48 orë nga 8 janari dhe nuk është bërë asnjë akt distancimi nga “dhuna e paprecedentë” që rrezikoi edhe jetë e personave që ishin në godinë.
Discussion about this post