Avokati mbrojtës i oficerit të pezulluar Ardian Isufi, Kujtim Cakrani, ka bërë një postim në rrjetet sociale ku thotë se meqë policia e shtetit nuk arriti të administronte pamjet filmike për të zbardhur ngjarjen e ndodhur në ambjentet e një lokali në qytetin e Vlorës dy ditë më parë, ku, sipas tij, u dhunua një punonjës i policisë shtetit, ai vendos të publikojë momentet në fjalë.
Cakrani shkruan se në video dallohen qartë personat që kanë dhunuar policinë, që, sipas tij, nuk kanë qënë as dy as tre por 15 persona me mjete të forta. Ai ka shtuar se qytetarët janë bërë preha e një video të shkurtër të publikuar në media ku dallohet që është goditur me shpulla një kamerier, por qëllimisht thotë se është fshehur pjesa tjetër e ngjarjes.
POSTIMI:
Meqë policia e shtetit nuk arriti të administronte pamjet filmike për të zbardhur ngjarjen e ndodhur në ambjentet e një lokali në qytetin e Vlorës dy ditë më parë, ku u dhunua një punonjës shumë I nderuar I policisë shtetit, atëherë po ja u vendos unë momentet e dhunës ushtruar ndaj policit. Në video dallohen qartë personat që kanë dhunuar policinë, që në fakt nuk kanë qënë as dy as tre por 15 persona me mjete të forta.
Qytetarët janë bërë preha e një video të shkurtër të publikuar në media ku dallohet që është goditur .e shpulla një kamerier, por qëllimisht ëahtë fshehur pjesa tjetër e ngjarjes. Pamjet që më kanë ardhur mua si avokat I policit janë tronditëse dhe dallohen qartë edhe dhunuesit e tij.
Prandaj policia e shtetit duhet të ndërhyj me ndalimin e dhunuesve dhe të zbardhë dinamikën e ngjarjes. Kjo histori nuk do përfundoj këtu jo? Dhunuesit e policit që është në reanimacion të spitalit Vlorës do përgjigjen ligjërisht edhe pse janë miqtë e Kryeministrit dhe pushtetit tij.
Discussion about this post