Në tre ditët e fundit të Korrikut 2025, Anuela Ristani, e komanduara e kryeministrit Edi Rama, si kryetare e Bashkisë Tiranë, ka paguar 1.5 milionë euro për kompaninë koncesionare ‘Integrated Energy Bv’.
Projekti i Ndërtimit i Ladfillit, incieneratorit dhe rehabilitimit të vend -depozitimeve ekzistuese Tiranë dhe prodhimin e energjisë elektrike do të financohet këtë vit me 12.7 miliardë lekë, rreth 13 milionë euro. Siç tregojnë faturat e Thesarit të Shtetit, pagesat bëhen ndaj Integrated Energy, e cila është nën administrimin e shtetit, për shkak të sekuestros nga SPAK për një aferë korruptive. Nga administratori shtet paguhen fatura për një incenerator që nuk ka filluar të ngrihet
Pagesat e Bashkisë Tiranë janë kryer në dy fatura të ndara. Fatura e parë për këtë muaj është paguar në 29 korrik 2025 dhe vlera e saj mbi 74 milion lekë të reja dhe bazohet në depozitimin e mbetjeve në landfillin privat për muajin prill.
Ndërsa fatura e dytë, me vlerë 76 milion leke është paguar në 3 korrik dhe i takon shpenzime për depozitimin e mbetjeve për muajin qershor 2025.
Dy pagesat kanë një vlerë gati të njëjtë, megjithëse janë për muaj të ndryshëm, duke ngritur dyshimet se faturimet janë fiktive.
Nëse merren në konsideratë pagesat periodike që kryen Bashkia e Tiranës për inceneratorin inekzistent të Sharrës, muaji qershor, si rregull, duhet të kishte vlerë shumë më të lartë.
Ky projekt prej kohësh vazhdon të financohet nga shteti, ndërkohë që objekti fizik nuk është ndërtuar dhe nuk ekziston ne terren. Sipas të dhënave zyrtare nga Ministria e Financave për vitin 2025 janë planifikuar rreth 13.98 miliardë lekë për mbështetjen e kontratave të koncesioneve, nga të cilat 5.59 miliardë lekë janë investime dhe 8.39 miliardë lekë shpenzime korrente.
Krahasuar me një vit më parë kjo përfaqëson një rritje prej 683.8 milionë lekësh, ose 5.14% më shumë se vitin e kaluar, e nxitur kryesisht nga rritja e planit të pagesave për kontratën e inceneratorit të Tiranës, si dhe për projektin e skanimit të kontejnerëve”, sqaron Ministria. Financat sqarojnë se për incineratorin e Tiranës, rritja e planit të pagesave në vitin 2025 është pasojë direkte e mosrealizimit të pagesave në vitin 2024. Dhe pavarësisht këtyre pagesave objekti nuk është ndërtuar dhe nuk ka prodhuar asnjë shërbim për qytetarët.
gijotina.com/
Discussion about this post