Cudirat me sistemin e prokurimeve publike në Shqipëri vijojnë tesa është zbuluar se një biznesmen i marrë i pandehur nga SPAK, ka fituar dy tendera të rëndësishëm me vlerë totale 5.5 milionë euro. Rast ky që ngre pikëpyetje serioze rreth integritetit të proceseve të tenderimit në vend.
Biznesmeni Ndoc Kulla, pronar i kompanisë “Jubica”, u mor zyrtarisht i pandehur nga SPAK në fund të qershorit, me akuzën e “falsifikimit të vulave, stampave ose formularëve”. Akuzat lidhen me tenderin e famshëm të mirëmbajtjes së rrugës Shpal-Rrëshen, me vlerë 2.3 milionë euro, ku ai dyshohet se ka falsifikuar dokumente.
Megjithatë, pas kësaj akuze, kompania e tij ka fituar dy kontrata të tjera publike:
- Një tender për përmirësimin e sinjalistikës në akset rrugore të Shkodrës me vlerë 2 milionë euro.
- Një tjetër tender për mirëmbajtjen e rrugës Tamarë-Vermosh me vlerë 3.3 milionë euro.
Ky fakt duket se tregon se të qenit në rrjetën e SPAK, në vend që të shërbejë si ndëshkim, mund të funksionojë si një “bekim” për disa biznese në Shqipëri.
Discussion about this post