Bashkia e Tiranës njofton se qytetarët që përdorin transportin publik në Tiranë, përmes Google Maps mund të gjurmojnë në kohë reale autobusat e linjave në kryeqytet.
Kjo risi, u vjen në ndihmë jo vetëm qytetarëve vendas, por ndihmon gjithashtu edhe turistët që kanë zgjedhur të vizitojnë Shqipërinë
“Ky projektt u realizua nga GIZ Albania dhe Bashkisë së Tiranës me mbështetjen e Albanian Technology Distribution (ATD). GTFS-RT (Real-Time General Transit Feed Specification) është integruar me sukses në Google Maps”, thuhet në njoftimin për mediat të bashkisë së Tiranës.
Sipas bashkisë, kjo risi, jo vetëm që do të përmirësojnë planifikimin e udhëtimit dhe kohët e sakta të mbërritjes së autobusëve për mijëra pasagjerë të përditshëm, por do të përdoren gjithashtu për menaxhimin e cilësisë së shërbimit, duke ndihmuar në optimizimin e operacioneve të transportit publik.
A hipën në autobus Anuela Ristani?
Ndërkohë që premtimet e Bashkisë Tiranë për cilësinë e transportit publik ndër vite sa vijnë dhe i afrohen standardeve evropiane, realiteti i shërbimit është ende largë asaj që pretendohet. Me vonesa të tejshtuara, tejmbushje të urbaneve dhe me një shërbim të copëzuar dhe me mjete të disa dekadave më parë, pasagjerët ankohen për një shkëputje nga realiteti të drejtuesve të institucionit.
Sipas një sondazhi të bërë vitin e kaluar, cilësia e transportit publik në Tiranë është e dobët ose shumë e dobët, ndërsa përballen me vonesa, mbingarkesë dhe mungesë të kushteve në autobusët urbanë.
Rreth 80% e të anketuarve e vlerësuan cilësinë e shërbimit si shumë të dobët (54%) dhe të dobët (25%), ndërsa vetëm 6% e tyre e vlerësuan atë si të mirë. Të anketuarit vlerësuan si probleme kryesore mbingarkesën e autobusëve dhe vonesat, ndjekur nga mungesa e kondicionerëve dhe trafiku i rënduar.
Ekspertët bien dakord me qytetarët, ndërsa vlerësojnë se transporti publik është në gjendje kome në Tiranë. Sipas urbanistit Gentjan Kaprata, kjo situatë vjen për shkak të shpejtësisë së ulët me të cilin lëvizin autobusët, vonesës nëpër stacione dhe cilësisë së keqe të këtyre mjeteve.
“Në Tiranë autobusët lëvizin deri në 7 km/h, është e paimagjinueshme për një shërbim të tillë,” tha Kaprata në një prononcim për Faktoje.al.
Problemet pranohen edhe nga kreu i Shoqatës së Transportit, Dashnor Memaj, i cili thekson megjithatë se faji nuk është vetëm i operatorëve. Sipas Memajt, është e domosdosjme që mjetet e transportit publik të kenë korsi të dedikuara dhe kjo është në dorën e strukturave shtetërore.
“Qytetarët natyrisht kërkojnë shërbim më cilësor dhe më të mirë si në aspektin e infrastrukturës, por edhe të viteve të mjeteve. Kjo nuk është në dorë të operatorëve 100%, që do të thotë duhen korsitë e dedikuara, stacionet, tabelat e orareve,” është shprehur Memaj.
Një vit më pas, kur nuk ka ndodhur asnjë ndryshim në transportin urban kryeqytetas, kryetarja e komanduar e bashkisë Tiranë, Anuela Ristani del me njotime të tilla të rëndësishme, për gjurmimin online të autobusëve! Ai hipën ndonjëherë autobusit kjo zyrtare?!
gijotina.com/
Discussion about this post