Gjërat janë përkeqësuar për Shqipërinë në Kualifikueset e Botërorit, pasi Serbia ka triumfuar 0-1 në transfertë me Letoninë dhe ka marrë vendin e dytë në Grupin K.
Takimi i luajtur në Riga ishte i luftuar, por mjaftoi një gol i Dusan Vlahovic në minutën e 12’ për të marrë tri pikët për ekipin serb.
Serbia shkon kështu në kuotën e 7 pikëve, dy më shumë se Shqipëria, me ekipin tonë që duhet të marrë patjetër fitoren në ndeshjen e radhës kundër Letonisë në Tiranë, ndërsa serbët luajnë me Anglinë në shtëpi pas tre ditësh.
Ndërkohë, në orën 18:00, Anglia mundi 2-0 Andorrën dhe udhëheq kështu i vetëm Grupin K.
Kështu, Anglia ndodhet në vendin e parë me 12 pikë të plota dhe është një hap larg kualifikimit në Botërorin 2026. Ndërkohë vendi i dytë që të dërgon në play-off e ka marrë momentalisht Serbia me 7 pikë.
Shqipëria ndodhet në vendin e tretë me 5 pikë. Letonia ndodhet pas nesh me 4 pikë, ndërsa Andorra është jashtë loje me zero pikë në vendin e fundit.
Ndeshjet e radhës në këtë grup do të jenë Shqipëri-Letoni dhe Serbi-Angli, të dyja më 9 shtator.
gijotina.com/
Discussion about this post