Në 28 Nëntor të vitit 2021, kryeministri Rama u mburr me inaugurimin e punimeve për aeroportin e Vlorës. Por, tani vetëm pak muaj pasi filluan punimet, makineritë janë fikur. Banorët e zonës thonë se atje nuk është punuar asnjë ditë ndërsa shprehen mosbesues nëse projekti nga 3 D do të kthehet në realitet. Në ditën kur Rama bëri inaugurimin makineritë dhe punëtorët qëndronin gati për të nisur projektin, por tashmë aty asgjë nuk lëviz dhe nuk asnjë shpresë se ai projekt në letër do mund ta shohim një ditë një aeroport të vërtetë.
Në një prononcim për mediat, banorët e zonës thonë se vetëm janë sjellë makinat, por deri më tani nuk është bërë asnjë punim. “Janë vendosur kamionët, shtëpitë e vogla. Janë ca roje atje, nuk ka filluar nga puna akoma. Punimet zero, nja dy skrepa dhe 3-4 kamionë”, tha një banor. Fluturimet nga aeroporti ndërkombëtar i Vlorës janë parashikuar të nisin në 2025, por banorët janë skeptikë në kushtet kur puna ende s’ka nisur.
Me kosto prej 104 mln eurosh, projekti në fjalë ka qenë në qendër të polemikave të ndryshme për shkak të mënyrës së financimit, apo për faktin që do të ndërtohet pranë zonës së Vjosë-Nartës që është e mbrojtur nga legjislacioni shqiptar. Nuk ka studim, nuk ka leje ndërtimi, është pranë zonës së mbrojtur dhe nuk ka marrëveshje financimi. Por asgjë nga këto nuk e shqetësoi qeverinë të ecte përpara në punën e saj, ndonëse kundërshtive të ndryshme në mos përputhje me ligjin. Aeroporti i Vlorës trumbetohej me të madhe nga Rama që do të niste brenda vitit 2018, me financim nga konsorciumi i kompanive turke të cilat aho kohe sipas qeverisë, shprehën interes. Bëhej fjalë për kompaninë “Cengiz Construction”, e zotëruar nga biznesmeni Mehmet Cengiz, një i afërm i presidentit turk Rejep Tajip Erdogan. Për kryeministrin Rama ofertat ishin të mëdha, por ai fajësoi pandeminë e Covid-19 ku deklaronte se ajo ishte fajtorja që shumë kompani u tërhoqën nga gara. Kështu, u fut në garë biznesmeni Behgjet Pacolli.
Sipas vendimit të qeverisë kontrata e koncesionit për ndërtimin do të bëhet nga bashkimi i operatorëve ekonomikë “Mabco”, dhe “Yda”. Kompania Mabco Construcsion SA” i përket biznesmenit dhe politikanit kosovar Behgjet Pacolli, ndërsa kompania turke “YDA” njihet së fundi, pasi ndërtoi spitalin e Fierit. Sipas kontratës, parashikohet që numri vjetor i pasagjerëve të jetë përafërsisht 360,000 në vitin e parë të operimit, rreth 600,000 dy vjet më vonë dhe rreth 1,16 milion në vitin e pestë të operimi.
Discussion about this post