Një këshilltar i Presidentit Donald Trump , Stephen Mirran u betua zyrtarisht si guvernatori ri i Rezervës Federale të hënën , në kohë për një takim kyç të bankës qendrore mbi normat e interesit. Stephen
Mirran u betua, tha Rezerva Federale në një njoftim për shtyp, disa orë pasi Senati i SHBA-së konfirmoi emërimin e tij. Sipas një zëdhënësi të bankës qendrore të SHBA-së, takimi i institucionit për politikën monetare filloi menjëherë pas tij. Ai do të zgjasë dy ditë dhe mbahet çdo gjashtë javë.
Pritet një ulje e normave kryesore të interesit të institucionit, e para për vitin 2025. Demokratët kundërshtojnë emërimin e Miranit, duke shprehur frikën se e tëra çfarë ai do të bëjë është të zbatojë dëshirat e Presidentit Trump, brenda një organizate që supozohet të punojë e mbrojtur nga presioni politik.
Gjatë seancës dëgjimore të konfirmimit të tij në Senat në fillim të shtatorit, Miran shpjegoi se nuk kishte ndërmend të jepte dorëheqjen si kryetar i Komitetit të Këshilltarëve Ekonomikë të Shtëpisë së Bardhë, vetëm për të marrë një leje të papaguar.
Ai shpjegoi se kishte marrë këshilla ligjore për këtë qëllim, duke pasur parasysh kohëzgjatjen e shkurtër të mandatit të tij. Ky mandat fillimisht përfundon më 31 janar 2026.
Miran mbush një vend të lirë të lënë nga dorëheqja e papritur e Administratores Adriana Kugler në fillim të gushtit. Ai do të jetë në të njëjtën tryezë me Guvernatoren Lisa Cook, të cilën Trump po përpiqet ta shkarkojë.Dymbëdhjetë persona votojnë së bashku për normat e interesit në SHBA: Anëtarët e Bordit të Guvernatorëve (gjashtë guvernatorë dhe Kryetari i Rezervës Federale Jerome Powell), presidenti i Rezervës Federale të Nju Jorkut dhe katër presidentë rajonalë të Rezervës Federale.
Discussion about this post