E zuri pema poshtë, humb jetën 79-vjeçari në Tropojë

Një ngjarje e rëndë është regjistruar në Bjeshkën e Pojanës, në Tropojë, ku një 79-vjeçar ka humbur jetën pasi mbi të ra një pemë gjatë prerjes.

Sipas policisë, një 39-vjeçar, i cili ishte duke prerë dru, dyshohet se ka shkaktuar aksidentalisht rrëzimin e pemës që përplasi të moshuarin.

Ky i fundit u transportua me urgjencë drejt spitalit, por fatkeqësisht ndërroi jetë rrugës. Autori i dyshuar është shpallur në kërkim nga policia.

Njoftimi

Specialistët për Hetimin e Krimeve të Komisariatit të Policisë Tropojë shpallën në kërkim shtetasin B.Q., 39 vjeç, banues në Shipshan, pasi duke prerë pemë në bjeshkën e Pojanës, dyshohet se një pemë ka rënë mbi shtetasin M. K., 79 vjeç, i cili është dëmtuar dhe për pasojë ka humbur jetën në spital.

Vijon puna për kapjen e 39-vjeçarit dhe për dokumentimin e rrethanave të rastit.

Materialet procedurale do t’i kalojnë Prokurorisë, për veprime të mëtejshme.