Seanca 25 minutëshe e Kuvendit ku mazhoranca votoi pa asnjë debat dhe diskutim programin katër vjeçar te qeverisë “Rama 4”, duke mos I dhënë mundësi opozitës të shprehë asnjë opinion, për Kryetarin e Kuvendit Niko Peleshi, duket një gjë mëse normale dhe mbi të gjitha integruese për vendin.
Disa orë pas miratimit të programit në një postim në rrjetin e tij social Kryetari I Kuvendit Niko Peleshi, shprehet se miratimi në seancën e sotme ishte një hap I rëndësishem drejt rrugës së Shqipërisë për në BE.
“Në seancën e sotme plenare miratuam programin politik dhe përbërjen e Këshillit të Ministrave, një hap i rëndësishëm për të çuar përpara vizionin qeverisës të vendit për #Shqipërinë2030.
Kuvendi i Shqipërisë do të vijojë punën e tij, të mbështetur në Kushtetutë, Rregullore dhe Kodin e Etikës, duke garantuar standarde të larta pune dhe transparence, në përputhje me praktikat më të mira të parlamenteve të vendeve të Bashkimit Europian ku synojmë të integrohemi”, shkruen kryetarit I Kuvendit Niko Peleshi.
Discussion about this post