Arrestohet 35-vjeçari në Tiranë, i gjenden a*më dhe kok*inë (Emri)

Policia e Tiranës ka arrestuar një 35-vjeçar për armëmbajtje pa leje dhe shpërndarje të lëndëve narkotike. I arrestuari është identifikuar si Markeliano Pirtea.

Gjatë kontrollit në banesën e tij, policia gjeti një pistoletë të fshehur te depozita e ujit, municion luftarak dhe rreth 135 gramë kokainë të ndarë në doza, gati për shitje.

Autoritetet njoftojnë se Pirtea dyshohet të ketë goditur edhe një person me qytën e armës gjatë një sherri për motive të dobëta.

Njoftimi

Shërbimet e Komisariatit të Policisë Nr. 2 në vijim të punës për goditjen e aktivitetit kriminal të shpërndarjes së lëndëve narkotike dhe armëmbajtjes pa leje, pas një informacioni  të siguruar në rrugë operative, organizuan dhe finalizuan me sukses operacionin policor të koduar “Kombinimi”, në kuadër të të cilit vunë në pranga shtetasin:

-M. P., 35 vjeç, banues në Tiranë.

Gjatë kontrollit të banesës së tij shërbimet e Policisë gjetën një armë zjarri pistoletë  të cilën e kishte fshehur te depozita e ujit, municion luftarak dhe lëndë narkotike kokainë.

Nga veprimet hetimore të kryera dyshohet se pasi siguronte lëndë narkotike kokainë, e ndante në doza me qëllim shitjen e saj.

Gjithashtu, gjatë veprimeve procedurale, rezultoi se ky shtetas gjatë një konflikti për motive të dobëta, kishte goditur me qytën e pistoletës, shtetasin S. I, duke i shkaktuar dëmtime sipërfaqësore.