Gazeta prestigjioze amerikane “The Washington Post” ka publikuar një artikull ironik dhe reflektues mbi eksperimentin e fundit të qeverisë shqiptare: emërimin e një asistenti virtual të inteligjencës artificiale si “ministre digjitale”, e quajtur Diellë.
Sipas “The Washington Post”, ky emërim është një marifet më shumë sesa një revolucion teknologjik. Kushtetuta shqiptare kërkon që ministrat të jenë njerëz, ndërsa vendimi i kryeministrit Edi Rama për të futur AI-në në qeverisje është cilësuar si një përpjekje simbolike për të treguar progres teknologjik në një sistem ende të mbërthyer nga korrupsioni dhe sfidat burokratike.
Artikulli kujton gjithashtu dobësitë e mëparshme të shtetit shqiptar përballë teknologjisë, si sulmet kibernetike të vitit 2022 nga Irani, që paralizuan shërbimet publike për javë të tëra. Në këtë kontekst, “The Washington Post” ngre një pyetje thumbuese: “Nëse një sulm kibernetik e ‘vret’ ministren digjitale, a do të thërrasë Shqipëria nenin e mbrojtjes kolektive të NATO-s?”
Gazeta prestigjioze amerikane “The Washington Post” ka publikuar një artikull ironik dhe reflektues mbi eksperimentin e fundit të qeverisë shqiptare: emërimin e një asistenti virtual të inteligjencës artificiale si “ministre digjitale”, e quajtur Diellë.
Sipas “The Washington Post”, ky emërim është një marifet më shumë sesa një revolucion teknologjik. Kushtetuta shqiptare kërkon që ministrat të jenë njerëz, ndërsa vendimi i kryeministrit Edi Rama për të futur AI-në në qeverisje është cilësuar si një përpjekje simbolike për të treguar progres teknologjik në një sistem ende të mbërthyer nga korrupsioni dhe sfidat burokratike.
Artikulli kujton gjithashtu dobësitë e mëparshme të shtetit shqiptar përballë teknologjisë, si sulmet kibernetike të vitit 2022 nga Irani, që paralizuan shërbimet publike për javë të tëra. Në këtë kontekst, “The Washington Post” ngre një pyetje thumbuese: “Nëse një sulm kibernetik e ‘vret’ ministren digjitale, a do të thërrasë Shqipëria nenin e mbrojtjes kolektive të NATO-s?”
Shkrimi përmbyllet me një reflektim: “Në një botë burokratike dhe të kujdesshme si ajo e administratave publike, Shqipëria meriton vlerësim për guximin që po tregon me këtë hap të ri.”
Ky artikull ka ngjallur debat edhe në vetë opinionin publik shqiptar, mes atyre që e shohin Diellën si fasadë teknologjike dhe të tjerëve që shpresojnë se qeverisja digjitale do të ulë korrupsionin dhe abuzimet me pushtetin.
Discussion about this post