Shqiptari humb jetën në Greqi: Rrëzohet nga pema, sharra elektrike i pret arterien

Një 50-vjeçar shqiptar, ka humbur jetën tragjikisht pasditen e sotme në Greqi.

Ngjarja e rëndë ka ndodhur në Larissa, ku pak para orës 6 të mbrëmjes, ndodhej siper në një pemë duke punuar me sharrë elektrike, raporton media greke Protothema.

Në rrethana të paqarta, 50-vjeçari ka humbur kontrollin e sharrës elektrike që mbante, duke bërë që të rrezohej nga pema dhe mjeti prerës të binte sipër këmbës së tij.

Prerja që shkaktoi sharra ishte në arterien femorale, duke sjellë gjakderdhje të pakontrollueshme, për të rezultuar në vdekjen e tij.

Ambulance mbërriti në vendngjarje dhe e mori të lënduarin, por 50-vjeçari nuk arriti t’i mbijetonte plagëve të marra.