Një ngjarje me armë zjarri ka ndodhur këtë pasdite në Tiranë, në rrugën “Llambi Bonata”, ku një burrë ka plagosur kunatin e tij pas një konflikti për motive të dobëta.
Rreth orës 15:40, shtetasi M. T., 41 vjeç, dyshohet se qëlloi me armë zjarri dhe plagosi kunatin e tij, G. M., 56 vjeç, në banesën e këtij të fundit. I dëmtuari u dërgua menjëherë në spital, ku ndodhet jashtë rrezikut për jetën.
Falë ndërhyrjes së menjëhershme të Policisë së Komisariatit Nr. 6, autori u kap dhe u shoqërua në ambientet e Policisë për veprime të mëtejshme. Nga vendngjarja është sekuestruar edhe arma e përdorur në krim.
Ndërkohë, është shpallur në kërkim edhe një 29-vjeçar, N. S., i cili dyshohet se ishte prezent në banesë në momentin e plagosjes dhe më pas është larguar nga vendi i ngjarjes.
Grupi hetimor vijon punën për zbardhjen e plotë të rrethanave dhe dokumentimin ligjor të ngjarjes.
Discussion about this post