Reshjet e shiut kanë shkaktuar probleme të mëdha në rrugën “Shefqet Kuka” në njësinë nr.4 të Tiranës, ku përmbytjet dhe kanalizimet e dëmtuara e kanë kthyer zonën në një rrugë të pakalueshme.
Siç tregohet edhe në një video të siguruar nga banorët, rruga është mbushur me gropa të thella, tuba të shpërbërë dhe baltë, duke krijuar vështirësi serioze për këdo që kalon aty. Situata bëhet edhe më e rrezikshme për fëmijët, të cilët përdorin këtë rrugë për të shkuar në shkollë.
“Është e pamundur të kalosh, fëmijët çdo ditë rrezikojnë,” – shprehet një prind i shqetësuar. Banorët i bëjnë thirrje Bashkisë së Tiranës të ndërhyjë menjëherë për të riparuar kanalizimet dhe për të rikonstruktuar rrugën, duke theksuar se problemet përsëriten sa herë nis sezoni i shirave./JOQ
Discussion about this post