Opozita edhe këtë seancë ka zgjedhur që të largohet dhe të braktisë punimet, ndërsa fjalën e kishte marrë kreu i grupit të PS Taulant Balla.‘Ikni tani se ja arritët qëllimit. Zhurmën e bëtë”, ishte ironia e Ballës drejtuar deputetëve demokratë.
Ndërsa Balla po fliste, deputeti i PD Saimir Korreshi futet në sallë dhe shtanget në një moment kur nuk shikon kolegët në karrige. Balla i është kthyer me ironi duke i thënë se “është marrë vendimi, nuk e di akoma ti?”
Me këtë veprim deputetët e PD-së, nuk morën pjesë për votimin e kalendarit për periudhën 29 shtator-7 nëntor 2025 dhe projektkalendarin e punimeve të Kuvendit për periudhën 29 shtator-17 tetor 2025.
Discussion about this post