Olsi Mici është 29-vjeçari i cili u arrestua sot nga policia në Fier.
Arrestimi i të riut u bë pasi gjatë kontrollit të ushtruar në automjetin e tij tip “Benz”, iu gjetën dhe u sekuestruan në cilësinë e provës materiale 25 doza me lëndë narkotike të dyshuar cannabis sativa, gati për shitje, 1 peshore elektronike, 2 kuti grirëse dhe qese farmaceutike që shërbenin për ndarjen në doza të lëndës narkotike.
Mici pritet të përballet me akuzën për veprën penale “Trafikim i lëndëve narkotike”. Dyshohet se në këtë veprimtari janë përfshirë persona të tjerë për të cilën policia po kryhen hetime.
Materialet i kaluan Prokurorisë, për veprime të mëtejshme procedurale.
Discussion about this post