Policia e Fierit ka arrestuar një çift 40-vjeçarësh, pasi dyshohet se kanë kryer marrëdhënie seksuale në praninë e tre fëmijëve të mitur, një ngjarje që është cilësuar si e rëndë dhe e paprecedentë.
Sipas njoftimit zyrtar, ndalimi i shtetasve V. Y., 40 vjeç, dhe A. Gj., 40 vjeçe, banues në fshatin Grecalli, erdhi pas denoncimit të bërë nga emisioni investigativ “Piranjat”.
“Specialistët për Hetimin e Krimeve në Komisariatin e Policisë Fier, në vijim të veprimeve hetimore të kryera pas kallëzimit të bërë nga emisioni ‘Piranjat’, bënë ndalimin e shtetasve V. Y. dhe A. Gj., për veprën penale ‘Vepra të turpshme’”, njoftoi policia.
Hetimet paraprake tregojnë se ngjarja ka ndodhur në praninë e tre fëmijëve të mitur, të cilët janë nipër të shtetases A. Gj.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Fier, për vijimin e veprimeve të mëtejshme ligjore.
Discussion about this post