Egnatia triumfon 0-1 ndaj Vorës në Laç, në ndeshjen e Superiores. Kampionët e Shqipërisë zhbllokuan shifrat në minutën e 17-të, me Flamur Ruçin që i shpëtoi mirë mbulimit të mbrojtjes dhe realizoi me kokë.
Në pjesën e dytë, për ekipin e Edlir Tetovës mjaftoi menaxhimi i rezultatit, për të marrë në shtëpi 3 pikët. Egnatia renditet në vendin e dytë me 13 pikë, ndërsa Vora është në vendin e gjashtë me 7 pikë.
Me të njëjtin rezultat, 1-0, triumfoi edhe Vllaznia në “Loro Boriçi” ndaj AF Elbasanit. Shkodranët udhëheqin kampionatin me 13 pikë, po aq sa Egnatia në vendin e dytë.
Dinamo City mposhti Flamurtarin në “Selman Stërmasi” me rezultatin 2-0, ndërsa Tirana fitoi derbin e kryeqytetit ndaj Partizanit me rezultatin e thellë 3-0 në “Air Albania”.
Java e 6-të e “Abissnet Superiore” u mbyll mbrëmjen e sotme me ndeshjen Teuta – Bylis. Durrsakët fituan në “Niko Dovana” me rezultatin minimal 1-0, falë golit vendimtar të Daniel Wotlai.
gijotina.com/
Discussion about this post