Kreu i PD, Lulzim Basha dhe sekretari i Përgjithshëm Gazment Bardhi janë thirrur të dëshmojnë sot në prokurori, si persona që kanë dijeni për atë çfarë ka ndodhur brenda selisë së PD-së më 8 janar, kur u mbajt protesta e Sali Berishës.
Basha është ftuar që të shkojë në prokurori në orën 12:00, ndërsa Bardhi do të japë shpjegime në orën 11:00 për gjithçka ka ndodhur brenda dyerve të selisë blu.
Ata do të pyeten gjithashtu nga prokurorët e rrethit dhe për dhunën me mjete të forta si dhe përdorimit të bombolave anti-zjarr nga personat që ndodheshin brenda gjatë tentativës së protestuesve të Berishës për t’u futur në seli.
Ditën e djeshme ishte ish-kryeministri Sali Berisha që dëshmoi në prokurori, ku bëri akuza të forta për Bashën duke thënë se më 8 janar ai është mbrojtur nga vrasës në seli.
Discussion about this post