Partia Socialiste ka paditur Komisionin Qendror të Zgjedhjeve (KQZ-në) në Kolegj Zgjedhor, pas dështimit të miratimit të afateve të zgjedhjeve të pjeshme lokale të 9 nëntorit, që do të mbahen në 6 bashki të vendit.
Ndërkohë sot, Gjykata Administrative e Apelit Tiranë, ka caktuar datën 8 tetor, ora 09:00 për hedhjen e shortit për përcaktimin e trupit gjykues të Kolegjit Zgjedhor Gjyqësor që do shqyrtojë çështjen.
Kërkesë padia e PS-së erdhi pasi ditën e djeshme, Komisioni Rregullator shqyrtoi 4 projektvendime për zgjedhjet e pjesshme për kryetar bashkie në Tiranë, Tepelenë, Cërrik, Berat, Mat dhe Vlorë, që do të mbahen në datën 9 Nëntor 2025.
Mirëpo, projektvendimet për afatet proceduriale, specifikimet teknike të fletës së votimit, përdorimin e pajisjes elektronike të identifikimit (PEI) dhe përdorimin e kamerave regjistruese e monitorët për shfaqjen e fletës së votimit në Vendet e Numërimit të Votave, nuk u miratuan pasi nuk morën kuorumin e nevojshëm të votave.
Pas këtij bllokimi administrativ , Partia Socialiste ka kërkuar zgjidhje ligjore nga Gjykata Administrative pikërisht për këto katër pika: Afatet procedurale për zgjedhjet e pjesshme, karakteristikat teknike të fletës së votimit, përdorimi i pajisjes së identifikimit elektronik të votuesve si dhe përdorimi i Kamerave Regjistruese dhe Monitorëve për shfaqjen e fletëve të votimit në VNV (Vendet e Numërimit të Votave).
gijotina.com/
Discussion about this post