Prej kohësh mazhoranca vazhdon me përpjekjet e saj për shkarkimin e presidentit Ilir Meta nga posti i tij. Të shumtë janë zërat se nëse arrihet shkarkimi, vendin e tij do ta zërë Lindita Nikolla. Për të sqaruar njëherë e mirë këtë çështje, ka folur gjatë një interviste kryetarja e Parlamentit.
Pyetur nëse do të vendoset në krye në rast të një vendimi për shkarkimin e presidentit, Nikolla deklaroi se do të respektojë kushtetutën. “Le të presim vendimin në respekt të gjykimit të Gjykatës Kushtetuese. Preferoj të mos bëj koment në këtë pjesë. Nëse e parasheh ne kemi gjithë detyrimin për të respektuar kushtetutën. Nëse ka ndonjë zgjidhje tjetër, nuk ka. Pasi kushtetua e ka të përcaktuar që e merr kryetari i parlamentit. Nuk ka zgjidhje tjetër. Është vetëm zgjidhja kushtetuese.
Unë patjetër kam detyrimin të zbatoj ligjin dhe kushtetutën e vendit. Por nuk dua që në prag të vendimmarrjes së Gjykatës Kushtetuese nuk dua të marr të mirëqenë vendimin e saj. Zgjedhjet lokale të pjesshme duhet të mbahen sa kohë që ligji zgjedhor shikon që këto institucione nuk kanë ndjekur rrugën ligjore, kjo nuk është një eksperiencë e re në Shqipëri. Janë mbajtur edhe më parë zgjedhje të pjesshme në Shqipëri”, tha Nikolla. Nikolla foli po ashtu për një mundësi bashkëpunimi me opozitën për zgjedhjen e presidentit të ri. Ndërsa kujtojmë se, deri më tani opozita nuk ka dhënë ansjë qëndrim pro palnit të mazhorancës për shkarkimin e Metës.
Discussion about this post