Pas 25 vitesh martesë, një grua nga Elbasani nis një lidhje të re me shtetasin Selami Majiqi, i cili e kërcënon dhe e përndjek duke i shkuar poshtë shtëpisë e madje edhe në fshatin e vajzërisë së saj. E frikësuar, ajo i drejtohet emisionit “Stop” për ndihmë pasi Majiqi nuk e pranon fundin e raportit dhe i bën vazhdimisht shantazh.
Selami Majiqi: Të betohem, nëse nuk e hap banesën për pak, do t’i shkruaj dhëndrit! T’u betova, fli gjumë ti, mos e hap telefonin nga 3 orë! Me atë kokëfortësinë tënde, e shikon çfarë fitove? Çdo person, çdo numër, që kam, çdo TikTok, çdo Facebook, do t’i shkruaj dhe do t’i them një nga një me foto, me video, me çdo gjë. Për shumë pak ditë, ia dëgjon zërin. B……, je shumë e bukur! Do të jetoj për 3 gjëra: Gjëja e parë, shumë shpejt do ta nxjerr fytyrën tënde në televizor. Një, kjo është gjëja, që do të bëj 1 milionë përqind se më shkatërrove familjen. E dyta, jam i detyruar të flas me dy gocat e tua dhe t’u tregoj se çfarë mamaje kanë e si e ka lënduar një njeri. Nuk është kërcënim ky, duhet të dinë ato se çfarë mamaje kanë, le ta kuptojnë se dhe babait të tyre, i paske bërë të njëjtën gjë. E treta, po jetoj e punoj që një ditë, të të dalë një njeri dhe të ta presë atë p**in tënd. Ta dinë gocat e tua, të betohem në Zot, në 6 fiks ti do ta shohësh! Kush je ti? Ti je një mbeturinë gocë! Një mbeturinë, një m*t je ti! Të q**sha! Pise, idiote! Q*hu me shefin se tani edhe atij ia dërgova mesazhin, se edhe ti nesër do t’ia çosh në shtëpi.
Avokati Arben Llangozi sqaron se kërcënimet dhe përndjekja janë vepra penale dhe ndihmon në kallëzimin ndaj Selamiut, i cili shpallet në kërkim dhe zonja pret urdhër mbrojtjeje.
Shërbimi Social i bashkisë Elbasan, me përgjegjësen Nadire Kreka, ofron asistencë, ndërsa avokatja Soela Kurti nga Forumi i Gruas siguron mbështetje ligjore dhe psikologjike. Psikologia klinike Sonila Jaupbashi thekson rëndësinë e trajtimit të traumës dhe ankthit të viktimës. /Emisioni “Stop”
Discussion about this post