Vllaznia ka triumfuar në transfertë përballë Bylisit, në ndeshjen e vlefshme për javën e 7-të të Superiores. Sfida e zhvilluar në stadiumin “Adush Muça” të Ballshit, përfundoi me shifrat 0-1.
Ishte autogoli i Peraltës në minutën e 83-të, ai që i dha 3 pikët e çmuara shkodranëve. Ndërkohë që vendasit gjetën golin ne minutën e 96-të, por gjithçka u anulua për një faull gjatë aksionit.
“Edhe mund të kishin shkuar ndryshe gjërat, por kur mbaron një ndeshje, ka njerëz të tjerë që i shohin në këto gjëra apo vendosin mbi ecurinë e mëtejshme qoftë tonën, se vendoset ecuria jonë si skuadër, por edhe ecuria e njerëzve që drejtojnë ndeshjen, brenda në fushë dhe jashtë saj. Nuk mund të flas për rastin e penalltisë të cilën arbitri e sinjalizoi dhe shkoi nëpërmjet VAR-it. Por në momentin e rastit tjetër, e pashë të fundit, që u anulua goli, për mendimin tim nuk kishte asnjë lloj faulli, lojtari i Vllaznisë ishte mes tre lojtarëve tanë, nuk kishte topin në zotërim dhe lojtari ynë shkoi i pari te topi”, tha trajneri Josa për RTSH pas ndeshjes.
Me këtë fitore, “kuqeblutë” shkojnë në krye të klasifikimit të vetëm, me 16 pikë të grumbulluara. Në krahun tjetër, me 6 pikë pas 7 ndeshjesh, Bylis mban vendin e 7-të.
gijotina.com/
Discussion about this post