Një shtetas shqiptar, i shpallur në kërkim ndërkombëtar, është arrestuar në pikën kufitare të Kakavijës gjatë një kontrolli rutinë të ushtruar nga Departamenti i Kontrollit të Pasaportave, në bashkëpunim me strukturat e Nëndrejtorisë së Hetimit të Krimeve të Janinës.
Gjatë verifikimeve të dokumentacionit, autoritetet kufitare zbuluan se ndaj tij ishte lëshuar një urdhër arresti evropian nga autoritetet belge, për një sërë veprash penale të rënda.
Sipas të dhënave zyrtare, shqiptari akuzohet për: Trafikim të paligjshëm të narkotikëve dhe substancave psikotrope, pjesëmarrje dhe drejtim të një organizate kriminale, posedim dhe trafikim droge.
Gjykatat belge e kanë dënuar atë me 5 vite burgim, ndërsa ai kishte qenë në arrati deri në momentin e kapjes.
Pas arrestimit, shtetasi shqiptar është shoqëruar në prokurorinë kompetente dhe aktualisht ndodhet në pritje të procedurave ligjore për ekstradimin drejt Belgjikës. Autoritetet greke nuk kanë dhënë ende identitetin e plotë të të arrestuarit.
Discussion about this post