Kryedemokrati Sali Berisha ka denoncuar se ish-kryebashkiaku i Durrësit, Vangjush Dako është arratisur nga vendi.
Duke iu referuar një rasti të mëparshëm, ai kujtoi momentin kur në makinën e Vangjush Dakos u vendos eksploziv. Sipas një mesazhi të publikuar nga qytetari dixhital, autor i vendosjes së tritolit dyshohet të jetë Aldo Avdyli, i arrestuar pak ditë më parë.
Sipas këtij denoncimi, këto fjalë Aldo Avdyli ia ka shprehur dhe një punonjësi të lartë të policisë, Bujar Bujar, i identifikuar si nëndrejtor i Policisë së Durrësit. Kjo, sipas të njëjtave burime, është një ndër arsyet kryesore që çuan në arrestimin e Avdylit.
“Dua të informoj shqiptarët se Gjushi, sipas shumë të dhënave, është larguar nga vendi, në drejtim të paditur.
I bëj thirrje të tregojë vendin ku ndodhet.
Dhe historia është kjo.
Këtu deklarova unë, ose në parlament, se tani po përdoret policia nga bandat për eliminimin e njëra-tjetrës.
Ju kujtohet ju para dy javësh kur u vendos tritoli në makinën e Gjushit?
Është kjo kështu?
Tritolin Gjushit, mesa duket ia vendosi Aldo Avdylaj, i cili i thotë Gjushit, tritoli është vetëm paralajmërimi se ti që më ke kërkuar të bëj këto krime, unë t’i kam plotësuar. Të të jap votat që do, unë t’i kam dhënë. Dhe ju tani të gjithë mbroni Elvis Doçin dhe nuk pyesni më për mua.
Pra, këto fjalë, sipas qytetarit dixhital, Aldo Avdylaj ia ka thënë një Bujari, nëndrejtorit të Durrësit. Në fakt kjo është arsyeja pse u arrestua.
Në fakt kjo është arsyeja, sepse Altin Troplini, që mbron Elvis Doçin, arrestoi Aldo Avdylin me Bujarin.
Çfarë ndodh tani?
Bandat më të fuqishme po qërojnë rivalët e tyre nëpërmjet institucioneve që kontrollojnë.
Kjo ndodhi edhe në Elbasan, kjo po ndodh në vendet e tjera.
Por të gjitha këto, këto të Gjushit, janë nga qytetari dixhital, por këto që thashë unë, qytetari i ka bindje. I ka shumë të sakta”, u shpreh Berisha.
Discussion about this post