Qyteti i Kukësit është ai që përballet më me shumë probleme nga kushtet atmosferike gjatë stinës së dimrit. Pas tërmetit që tmerroi mbrëmë banorët dhe shkaktoi disa probleme materiale, raportohet se Kukësi është bllokuar sot nga mjegulla e fortë.
Ulja e temperaturave, shoqëruar me krijimin e ngricave, akullit por edhe mjegullës, kanë bërë që lëvizja në rrugë të jetë një sfidë për drejtuesit e automjeteve. Ndërkohë Kukësi vijon të jetë nën prezencën e kushteve të këqija meterologjike që nga fillimi i javës. Për shkak të kësaj situate shumë banorë janë të izoluar e një pjesë e tyre vuajtën mungesën e energjisë elektrike për ditë të tëra.
Përdoruesit e rrugëve duhet të jenë të pajisur me mjete dimërore si zinxhirë, goma dimërore si dhe përdorimin e dritave të mjegullës. Sakaq, banorët këshillohen që të mos dalin nga shtëpia nëse nuk e kanë të nevojshme. Qyteti i Kukësit është nja nga vendet me klimën më të ftohtë dhe shumë herë banorët janë bllokuar nga bora dhe ngricat. Kur në këto raste shpesh janë lënë në mëshirë të fatit pa mbështetje nga bashkia.
Discussion about this post