Muzeu i Luvrit hapi sërish dyert për publikun këtë të mërkurë, tre ditë pas një grabitjeje të guximshme që tronditi opinionin publik dhe detyroi mbylljen e përkohshme të institucionit më të vizituar muzeal në botë. Vizitorët pritën në radhë për të hyrë në ndërtesë për herë të parë që nga grabitja.
Teksa policia franceze po kërkon dëshpërimisht për të gjetur bizhuteritë e çmuara që u grabitën në muzeun e Luvrit, ekspertët kanë paralajmëruar se tashmë mund të jetë tepër vonë për t’i shpëtuar ato.
Midis sendeve të grabitura nga Luvri ishte një set bizhuterish me diamante dhe safir, përfshirë një diademë dhe një gjerdan të Mbretëreshës Marie-Amélie (dhe Mbretëresha Hortense).
Diadema e zbukuruar me gurë të çmuar përmban 24 safirë Cejloni dhe 1,083 diamante.
Gjerdani dhe vathët me gurë smeraldi të Marie-Louise përmbajnë 32 smeralde dhe 1,138 diamante.
Grabitja ndodhi të dielën e 19 tetorit, ku hajdutë, të maskuar si punëtorë, përdorën një shkallë të montuar në një vinç dhe u futën nga një dritare. Autoritetet lokale bënë me dije se grabitësve u janë dashur 7 minuta për të hyrë në Galerinë Apollo, për të rrëmbyer bizhuteritë dhe për t’u larguar.
Discussion about this post