Gara për hetues financiarë në SPAK, kush janë kandidatët – EMRAT

Këtë të enjte, ka nisur faza e tretë e vlerësimit të kandidatëve për pozicionin e hetuesit financiar pranë Prokurorisë së Posaçme (SPAK).

Në këtë fazë janë kualifikuar 10 kandidatë që kanë grumbulluar minimum 40 pikë në dy fazat e para të konkurrimit.

Intervista e strukturuar me gojë do të zhvillohet në godinën e SPAK dhe kandidatët do të njoftohen individualisht për orarin e intervistës.

Vlerësimi do të kryhet nga prokurorët Sotir Kllapi, Dorina Bejko dhe Dritan Prençi, i cili zëvendësoi Klodian Brahon pas dorëheqjes së këtij të fundit nga komisioni më 6 tetor, ditën kur aplikoi për pozicionin e drejtuesit të SPAK.

Ndërkohë, SPAK njoftoi se kandidatët që nuk kanë arritur pragun e pikëve do të informohen individualisht për rezultatet e tyre.

Kandidatët e kualifikuar për fazën e tretë janë: 

Enea Arben Sharra

Ermal Niazi Milori

Argjend Shefki Tota

Kreshnik Thimi Gjeçka

Gentian Nikollë Ndoi

Ditmir Zeqir Hoda

Ilir Bexhet Deda

Fotion Përparim Malaj

Klodian Nikolet Vasia

Lutfi Haxhi Minxhozi