Një 23-vjeçar është shpallur në kërkim nga policia e Vlorës pasi ka tentuar të përplasë me automjetin e tij një person. Ngjarja ka ndodhur në datën 6 Janar, në rrugën “Veledin Kollozi” në Vlorë.
Sipas policisë, Eno Jazaj ka kanosur E. A., duke tentuar ta përplasë me makinë, por fatmirësisht ky i fundit ka mundur të largohet me shpejtësi dhe pa u lënduar.
“Specialistët e Hetimit të Krimit në Komisariatin e Policisë Vlorë bënë shpalljen në kërkim të shtetasit E. J., 23 vjeç, banues në lagjen “Partizani”, Vlorë, sepse më datë 06.01.2022, në rrugën “Veledin Kollozi”, ka kanosur shtetasin E. A., duke tentuar ta përplas me automjetin e tij”, njofton policia. Mësohet se policia po vijon punën për gjetjen dhe arrestimin e tij.
Discussion about this post