Elbasani dhe Egnatia u përballën sot në ndeshjen e vlefshme për javën e 11-të të Superiores. Sfida e zhvilluar në “Elbasan Arena”, përfundoi me shifrat 1-0, në favor të vendasve.
Golin e vetëm të kësaj sfide, e shënoi Tsague në minutën e 66-të të takimit. Ndërkohë që në të 47-tën, vlen të theksohet se rrogozhinasit mbetën me 10 lojtarë, për shkak se Jaime u ndëshkua me karton të kuq.
Kështu, “verdheblutë” shkojnë në kuotën e 23 pikëve në vendin e dytë, po aq sa Vllaznia kryesuese. Në krahun tjetër, me 19 pikë, Egnatia mban vendin e 3-të në tabelën e renditjes.
Spektakël dhe emocione dhuroi edhe takimi tjetër. Partizani triumfon 2-3 ndaj Teutës, në një ndeshje të çmendur.
Macolli realizoi i pari, ndërsa Toli shënoi të dytin direkt nga goditja e këndit. Të kuqtë u futën me shumë dëshirë në pjesën e dytë dhe përmbysën ndeshjen.
Contreras “rrëmbeu” skenën në pjesën e dytë, duke “tundur rrjetën” dy herë dhe duke u ndëshkuar me të kuq. Partizani fitoi falë golit të Tomës në fund. Elbasani mundi 1-0 Egnatian me golin e Tsague.
Discussion about this post