“Një platformë që ka për synim largimin e Edi Ramës dhe Belinda Ballukut do të vendoset te Kryeministria“,- kështu është shprehur kryedemokrati, Sali Berisha gjatë një deklarate për mediat këtë të hënë.
Sipas Berishës, platforma do të vendoset nga opozita në ditë të caktuara kryesisht të enjten dhe do të shërbejë si pikë referimi për largimin e Ramës dhe Ballukut nga pushteti, që sipas tij janë dyshja më famëzezë në historinë e vendit.
“Platforma para kryeministrisë ka 2 qëllime, kërkesën për largimin e Edi Ramës dhe Belinda Ballukut. Ka njerëz që thonë duhen bërë te ministria e Energjitikës, jo ka ndërtesë si kryeministria që është dhe kryeministri dhe zv,kryeministri. Vendosim aty platformën për të kërkuar largimin e Edi Ramës dhe Belinda Ballukut, dyshes më famëzezë në historinë e RSH”,- ka deklaruar Berisha duke shtuar se një grup i posaçëm brenda PD-së do të përcaktojë detajet e mëtejshme të aksionit opozitar.
Berisha ka paralajmëruar më tej se pas vendosjes së platformës opozita do të angazhohet për protesta kombëtare, por ende nuk përmendi një datë konkrete.
Discussion about this post