Muçi Shaljani (Sheqeri) i cili mbeti i plagosur në atentatin e regjistruar këtë pasdite në Rinas dyshohet të jetë agjent i AMP-së (Agjencia e Mbikëqyrjes Policore.)
Shaljani ka qënë duke drejtuar mjetin tip “Benz” – antiplumb, me pasagjer Gilmando Danin kur persona ende të paidentifikuar kanë hapur zjarr duke lënë të vdekur këtë të fundit dhe të plagosur Shaljanin.
Shaljani është transportuar në Spitalin e Traumës ku raportohet se është në gjendje të rëndë shëndetësore.
Raportohet se Gilmando Dani, ishte njeriu kryesor që organizonte dhe monitoronte punët e Emiljano Shullazit jashtë qelisë. Thuhet se ai ishte njeriu që kishte ndikim të madh dhe që mbante ende gjallë grupin në terren të Shullazit.
Dyshohet se autorët, apo grupi që ka organizuar vrasjen e tij, është një grup mjaft i sofistikuar dhe i strukturuar nisur nga fakti që kanë pasur informacionin kur ka ikur nga Barcelona dhe kur ka ardhur në Shqipëri për tu ekzekutuar më pas pak caste pasi kishte zbritur në aeroport.
Discussion about this post