Gazetari Lutfi Dervishi ka ironizuar deklaratën e ministres Albana Kociu e cila u shpreh ditën e sotme në Komisionin e Punëve të Brendshme dhe të Mbrojtjes se “Policët nuk rrinë në kuzhina“.
“Nuk besoj se ka ndonjë vend të botës ku polici rri në kuzhinë për të parandaluar që djali të godasë me thikë babanë, apo brenda në kuzhinën e restorantit për të parandaluar picerin të godasë më thikë kuzhinierin”,- është shprehur ministrja.
Por referuar atentatit te Rinasit ku një punonjës i AMP-së ishte shofer i kriminelit Gilmando Dani, Dervishi thotë me ironi se ministrja ka të drejtë. Ai thotë se policët nuk kanë kohë të rrinë në kuzhina pasi janë kthyer tashmë në shoferë dhe truproja të kriminelëve.
“Ministrja e Brendshme Kociu, tha se policët nuk rrinë në kuzhina! Shumë e drejtë. Nuk kanë kohë të rrinë në kuzhina sepse janë të zënë duke u kthyer në shoferë ose truproja të kriminielëve”,- shkruan Dervishi në fb.
Discussion about this post