Aksidentet në punë po vijnë në rritje nga viti në viti. Sipas të dhënave të INSTAT në vitin 2024, janë regjistruar 224 inspektime për shkak aksidenti në punë, duke shënuar një rritje prej 2,8 %, krahasuar me vitin paraardhës.
Numri i punëmarrësve të aksidentuar në punë, ishte 177, një rritje prej 5,4 %, krahasuar me vitin 2023. 18,6 % e punëmarrësve e tyre ishin femra. Për aksidentet fatale, gjatë vitit 2024 ishin 33 punëmarrës të aksidentuar në punë me vdekje ose 3 aksidente më shumë se në vitin paraardhës. 6,1 % e punëmarrësve të tyre me vdekje ishin femra.
Vitin e kaluar 2024, numri gjithsej i vizitave në kujdesin parësor ishte 8.951.864, duke shënuar një rënie prej 3,1 %, krahasuar me vitin paraardhës. 42,5 % u realizuan në qendrat shëndetësore; o 23,9 % u realizuan në ambulanca; o 33,6 % u realizuan në poliklinika.
Të dhënat tregojnë se 35,4 % e vizitave në qendrat shëndetësore dhe ambulanca janë kryer nga persona mbi 60 vjeç.
Në vitin 2024, u regjistruan gjithsej 184.801 vizita në konsultorin e gruas, me një rënie prej 9,2 %, krahasuar me vitin 2023. 78,1 % ishin vizita obstetrikale dhe 21,9 % e vizitave ishin vizita gjinekologjike. Prej vizitave obstetrikale, gjysma e tyre (50,4 %) u realizuan me asistencë të mjekut specialist. 15,9 % e vizitave obstetrikale gjithsej u kryen për herë të parë, duke shënuar një rritje prej 4,6 %, krahasuar me vitin paraardhës.
Gjatë vitit 2024, numri i fëmijëve 0-1 vjeç, që ushqehen vetëm me gji, ishte 15.068, ndërsa numri i fëmijëve që ushqehen vetëm me ushqim artificial, ishte 3.459.
Në vitin 2024, mbulimi vaksinal i fëmijëve, brenda vitit të parë të jetës, mbeti në nivele të larta, 97,0 %-99,0 %, për të gjitha vaksinat sipas skemës kombëtare të vaksinimit, me përjashtim të Fruth-Rubeolë-Parotit, ku mbulimi ishte 92,0 %.
Vitin e kaluar numërohen 65 spitale në vend, nga të cilët 41 janë spitale publike dhe 24 spitale private. Në institucionet publike të shërbimit spitalor u shtruan 299.318 pacientë, duke shënuar një rritje prej 4,8 % më shumë të shtruar, krahasuar me vitin 2023. Në institucionet publike të shërbimit spitalor, ishin në dispozicion 8.911 shtretër. Shfrytëzimi i shtratit ishte 176,7 ditë, të cilat përbëjnë 48,4 % të ditëve kalendarike të vitit 2024.
Ditët e qëndrimit mesatar të një pacienti janë 4,7 ditë në vit, me një xhiro të shtratit 37,8 herë pacientë në vit. Në shërbimin spitalor, u kryen gjithsej 65.302 ndërhyrje kirurgjikale, me një rritje prej 0,4 %, krahasuar me vitin 2023.
/Monitor
Discussion about this post