Vodhi para në 3 biznese, arrestohet i riu në Vlorë

Një 36-vjeçar ka rënë në prangat e policisë së Vlorës pasi dyshohet si autor i disa vjedhjeve në lagjen ‘1 Maji dhe ‘Lef Sallata’.

Sipas Policisë, i riu me iniciale, E.XH, i ka realizuar vjedhjet në tetor dhe gjatë këtij muaji, ku në datën 14 tetor ka vjedhur shumën 100 000 lekë në një furrë buke, ndërsa në datën 16 nëntor ka vjedhur 200 000 lekë dhe ditën e sotme ka vjedhur 200 000 lekë në një lokal.

“Strukturat hetimore të Komisariatit të Policisë Vlorë, në vijim të punës për parandalimin dhe goditjen e krimeve kundër pronës dhe pasurisë, finalizuan operacionin policor të koduar “Cashline”, si rezultat i të cilit u kap dhe u ndalua shtetasi:

E. Xh., 36 vjeç, banues në lagjen “1 Maji”, Vlorë.

Nga veprimet hetimore ka rezultuar se ky shtetas është autor i 3 rasteve të vjedhjeve në qytetin e Vlorës, konkretisht:

Më datë 17.10.2025, në lagjen “1 Maji”, ka vjedhur shumën 200 000 lekë në lokalin e një shtetasi;

Më datë 14.11.2025, në lagjen “1 Maji”, ka vjedhur shumën 100 000 lekë në një furrë buke;

Më datë 16.11.2025, në lagjen “Lef Sallata”, ka vjedhur shumën 200 000 lekë”,- thuhet në njoftimin e Policisë.

Materialet procedurale iu referuan Prokurorisë, për veprime të mëtejshme, për veprën penale “Vjedhja”.