Gjykata Kushtetuese ka shtyrë shqyrtimin e kërkesës së kuvendit për shkarkimin e presidentit Ilir Meta. Shkak për këtë shtyrje të çështjet është bërë infektimi i realatorit me Covid-19. Shkarkimi i Metës u iniciua nga një grup socialistësh, të cilët firmosën kërkesën për shkarkimin e tij, e cila më pas mori dhe votat e nevojshme në Kuvend. Gjykata Kushtetuese pritet të shqyrtojë faktet e depozituara nga socialistët, të cilët pretendojnë se gjatë fushatës të zgjedhjeve parlamentare të 25 prillit, presidenti Meta ka bërë thirrje për dhunë dhe destabilitet në vend, përmes deklaratave të tij, të cilat i kanë cilësuar si të njëanshme.
“Çështja me kërkues Kuvendin e Republikës së Shqipërisë dhe objekt: “Për shkarkimin e Presidentit të Republikës së Shqipërisë për shkelje të rënda të Kushtetutës”, e planifikuar për t’u zhvilluar në seancën plenare publike të datës 18.01.2022, ora 10:00, bazuar në nenin 44/a të ligjit nr.8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, është shtyrë për në datën 01.02.2022, ora 10:00, për arsye se relatori i çështjes ka rezultuar pozitiv me COVID-19”, thuhet në njoftim.
Discussion about this post