Kompania e themeluar nga ish-deputeti socialist, Ndue Kola ka përfituar 20 milionë euro gjatë vitit 2021, nga buxheti i shtetit. Kompania ANK renditet e katërta në listën e gjatë të subjekteve që kanë përfituar tendera gjatë vitit që lamë pas. Kjo kompani ka marrë shuma marramendëse parash nga buxheti i shtetit, ku vetëm në tenderin për ndërtimin e lotit të dytë të rrugës Korçë-Ersekë, ka përfitur 5 milionë euro për çdo kilometër. Gjithashtu një tjetër tender për shtrim rruge i është dhënë po kompanisë së ish-deputetit socialist, Ndue Kola dhe bëhet fjalë për ndërtimin e rrugës Milot-Balldren, për të cilin kësaj kompanie i janë akorduar rreth 250 milionë lekë.
Kompania A.N.K është themeluar në vitin 1998 me pronar Ndue Kolën, i cili pas përfshirjes së tij në politikë me marrjen e mandatit si deputet i zonës së Lezhës, kaloi këtë subjekt në pronësinë e vëllait të tij, Agim Kola. Ndonëse roli i tij në politikë ka qenë thuajse inekzistent, duket se ish-deputetit socialist i ka shërbyer politika në favor të biznesit të tij familjar.
Ndërkohë kompania Salillari renditet në krye përsa i përket përfitimeve nga buxheti i shtetit gjatë vitit 2021, ku përmes tenderave ka marrë mbi 32 milionë lekë ose mbi 32 miliardë lekë të vjetra. Kompania Salillari ndiqet nga operatori Gjikuria që ka përfituar gjatë vitit 2021 mbi 30 miliardë lekë nga buxheti i shtetit.
Ndërkohë jashtë kësaj “skeme” pasurimi përmes tenderave nuk ka mbetur as kompania në pronësinë e Safet Gjicit, Kevin Construksion, që ka përfituar mbi 10 miliardë lekë nga buxheti i shtetit gjatë vitit që lamë pas.
Discussion about this post