Presidentja e Kosovës, Vjosa Osmani, ka uruar shqiptarët me rastin e Pavarësisë së Shqipërisë, duke theksuar rëndësinë historike dhe simbolike të kësaj dite për gjithë kombin shqiptar. Ajo ka vlerësuar se Kosova dhe Shqipëria ecin krah për krah si dy shtete të ndara, por me një komb, dy flamuj dhe një zemër të përbashkët.
Osmani rikujtoi se Dita e Flamurit, shpallja e Pavarësisë së Shqipërisë, lindja e komandantit legjendar Adem Jashari dhe dalja e parë publike e Ushtrisë Çlirimtare të Kosovës si ngjarje kyçe.
“Dita e Flamurit, e Pavarësisë së Shqipërisë, e lindjes së Komandantit Legjendar Adem Jashari dhe e daljes së parë publike të UÇK-së, janë katër ngjarje që përbëjnë boshtin e krenarisë sonë kombëtare.
Nga Kruja e Skënderbeut, te Vlora e Ismail Qemalit dhe Prekazi i Jasharajve, historia jonë është shkruar me gjak, guxim dhe besim. Sot, Kosova e Shqipëria ecin krah për krah: dy shtete, një komb, dy flamuj, një zemër.
Gëzuar Ditën e Flamurit! Gëzuar Pavarësinë e Shqipërisë! Lavdi Komandantit Adem Jashari dhe të gjithë heronjve, dëshmorëve e martirëve të kombit tonë!”, shkruan Osmani.
Discussion about this post